Bílegði mær træperlur á netinum ein dagin. Ætlanin var at bíleggja perlur, sum vóru 1 cm, men av misgávum fekk eg 3cm stórar perlur
Eri glað fyri at eg fekk ov stórar perlur. Tí eg fekk eitt kul oversize armband burturúr. Eg brúkti 2×8 bláar træperlur og breit svart elastik.
Í Dvølju nr. 1 er eitt knýtt armband. Her er ein annar háttur at knýta armband, hetta eitur ein joesfinu knútur.
Tilfar: uml. 2 metrar av silkibandi og eina perlu ella sum her, ein silvur blóma.
Byrja við at gera eina lykkju, sum perlan ella prýði passar í gjøgnum. Knýt síðani so nógvar knútar at armbandið røkkur um armin. Knýt perluna ella prýðið í endan og klipp og endarnar og líma teir fastar.
Her er ein video vegleiðing til hvussu tú knýtur josefinuknútar
Eg knýtti tvey armbond í ymiskum lilla litum og blómur í tveimum støddum.
